Quyoshim

Quyoshim, seni bir bag‘irimga bossam Quyoshim, nurlaringga o‘zimni ossam Taftingga termilib turgan chog‘imda Bir bo‘sa olsaydim, sendan bexosdan Quyoshim, yuzlaring bunchalar iliq? Quyoshim, qalb senga arqonsiz iliq Qo‘rqdim senga ozor bermasmanmi deb Men, okean tubidagi bir shisha qiyiq Odamzod deb atalmish jirkanch kasofat Keltirish ilinjida senga talafot Ko‘zoynak taqdi, kiydi shlyapa Seni yashirishga shu emish kafolat Krem surtib, yuziga qildi malomat Uning aql idrogidan shumi dalolat? Qanday qilib jannat nurin to‘smoqlik mumkin? Bu qandayin qiliq? Bu nima odat? Quyoshim, bunchalar go‘zaldir taning? Tonggi ehtiroslarimning sababi ham shumasmu? Lovullaydi figurang, qaynoq badaning Hilpirab turgan ko‘ylaklaring kuymasmu? Rashkim kelar, sen yoritgan har narsaga Rashkim kelar Marsga, Yupiterga, Nasaga! Samoga har xil matoh uloqtirishni darhol bas qil, Ilon lapashang! Uning mayin yuzlariga tegib qolmasin chang